決賽冇高低和波實際

歐洲盃終極一戰今晚爆發，兩支歐洲頂級球隊德國與西班牙爭奪成為最後王者，兩隊根本毫無高低之分，初盤開出西班牙要讓平手 ／ 半球，認真唔着數，邊隊受讓必捧，預料九十分鐘內難分勝負，追和最合理。

德國講求策略及經驗，西班牙以技術及實力取勝，可以話各有所長，德國由分組賽至今，的確踢唔出任何霸氣。但球隊勝在韌力十足，而且在戰術上運用相當奏效，尤其是在對葡萄牙及土耳其兩場比賽，完全顯示出德國別具一格的足球戰略。雖球員場上發揮並未達標，但鬥心及戰意令球隊保持強者風範，今仗足以令西班牙有所避忌。

以西班牙今屆表現，能夠殺入決賽絕對應該，球員個人技術、整體組織性及悅目的進攻足球都令球迷讚賞，五場比賽總共出現一百○四次射門，四十四次中目標，十一個入球。呢個統計的確唔簡單，雖今仗有大衛維拉因傷缺陣，但原來後備席的費比加斯及古爾沙一樣殺傷力驚人，所以德國今晚必定在後防線加重防範。

強者對碰，最重要係能否發揮出最佳水準，今仗實在勝負難料。

推介：和波2：2