曼聯藉亞洲巡展助川

曼聯雖然綽號紅魔鬼，但魔鬼也有菩薩心腸。今屆英超，曼聯後來居上，在擊敗最後的競爭對手車路士後，奪取了聯賽錦標，這亦是其第十個聯賽奬盃。為了與亞洲球迷分享喜悅，特別安排了亞洲巡展，已在八個亞洲城市，包括吉隆坡、雅加達、新加坡、曼谷、香港、澳門、上海和首爾展出。

在六月十二日，正值四川汶川地震發生一個月，奬盃剛在香港展出。為了表達關懷四川災民及支援災區重建，曼聯的首席贊助商決定藉這個奬盃募捐。展出期間，只要球迷捐五十元以上，即可站在這個奬盃旁拍照，亦可與C朗拿度合照——不過係紙版公仔。呢筆捐款將主要用作災區重建。

曼聯此舉在網上引起激烈辯論，辯論一方當然係曼聯球迷，另一方係其他球迷。其他球迷認為，曼聯係以中國人的錢幫助中國人，但卻用其名義，即借他人的錢來出名。與某大球會直接捐助四川災區有別。曼聯球迷則反駁，曼聯係利用其影響力募捐。其實佢可以照樣拍照收五十元，但全數袋入自己袋中，所以不能以此認為曼聯係借他人的錢出名。

其實無論點都好，只要係支持四川災區，其出發點和做法都應該肯定。