|
03/07/2008
文： 洪心Dee
瑞典國寶軒歷拿臣踢完歐國盃後回歸希爾星堡，今場會主場幫球隊出戰加爾斯。拿臣重返國家隊後竟打出心中團火，暗示若有需要會繼續為國力，球隊有鬥志高昂拿臣助陣，有望大炒聯賽作客尚未開齋加爾斯，「讓球主勝」唔怕捧！（開賽時間：周五凌晨1:45）
呢位三十七歲老將早前重披瑞典戰衣救國，點知一踢就刺激番隱藏體內雄心，依家仲轉口風話渴望繼續為國家隊力：「國家隊打波真係好正，我依家都唔知會踢到幾時，總之有得踢就好啦！」相信唔只瑞典國家隊聽到會開心，就連希爾星堡都會一樣高興，只要呢位一代射手仲有鬥心，真係唔怕佢交唔出表現喎！
其實拿臣瑞超表現一都唔失禮，近三場聯賽主場都有波入，依家仲係球隊神射手，絕對稱得上寶刀未老，以佢入球能力，加上中場馬古斯蘭斯「托弗」狀態，面對實力平平加爾斯要入多幾球又有何難？
AIK強勢上盤「洛」觀
上季瑞超作客只贏得兩場咁大把加爾斯，始終未能改變作客唔掂毛病，今季聯賽作客輸親都輸兩球或以上。再睇埋往績，近六次同希堡交手就輸四次，今場希堡始終可睇高一線。
講到興起，阿Dee就再推多場奧雷布洛主場對AIK蘇納賽事，佢兩隊近況真係差天共地，主隊奧雷布洛近四次聯賽主場僅錄得一和三負成績，相反AIK蘇納就取得作客三連勝士氣如虹，AIK讓平半要上盤！
温馨小贴士：直接搜索“901”可以快速找到本站，查看更多更准更新的足球分析推介。
|
