|
04/07/2008
文： 蘇豪
周六下午有六場日職，今日率先同球迷分析頭場賽事，札幌岡薩多主場迎戰清水心跳，札幌岡薩多近期成績甚差，連日聯盃以及日職在內，呢支札幌球隊已經連輸五場，球員嚴重缺態，周六縱有主場之利都唔敢睇好；相反對手清水心跳近期有回勇象，作客環境下有力全取三分，只小讓平半值得捧場。（周六下午１時開賽）
岡薩多狂瀉五連敗
札幌岡薩多自從五月贏過大宮松鼠之後，突然狂瀉，近五場全部輸波之餘，仲場場起碼畀對手轟入兩球，防守力不足缺點可謂表露無遺；而上輪聯賽以二比四不敵大阪飛腳，雖然取得兩個入球，但全場比賽都畀大阪飛腳壓住打，能夠到入球只因大阪飛腳輕敵，並唔代表球隊已經止跌回升。其實札幌岡薩多呢支升班馬近期已經冇晒季初氣勢，相信短時間之內都好難再谷得起。
若比較狀態，清水心跳一定好過札幌岡薩多。就以周中日聯盃八強首回合賽事為例，清水心跳作客對住實力甚強鹿島鹿角，雖然鹿角班底高，主場表現亦相當突出，但清水心跳一樣頂得住對手猛烈攻勢，最後仲同對手打和○比○。
如果清水心跳唔係咁「弗」的話，鹿島鹿角早就首回合到入球優勢。今次遇到實力差一截札幌岡薩多，相信清水心跳會把握機會痛擊對手，只小讓平半抵到震，值得優先推介。 温馨小贴士：直接搜索“901”可以快速找到本站，查看更多更准更新的足球分析推介。
|
