|
05/07/2008
文： 丹尼．文奴斯
法林明高係依家巴甲一哥，上仗佢作客利斯菲體育會「地獄球場」依然贏波，實力的確唔講得笑，今鋪返主場迎戰紐迪高，要完成三連勝並唔困難。（now633台周日清晨5:20直播）
經過八周聯賽，法林明高暫以十九分成為聯賽「一哥」，咁都未算威，佢上星期結束利斯菲體育會跨季二十二場主場不敗紀錄，比賽末段先由首次正選上陣奧比拿奠勝，係就係驚險，不過巴甲一向都係主客懸殊，作客要贏波已經唔易，次對手仲要係利斯菲體育會，能夠險勝已係一個驕人成績。
值得一提，係法林明高除狀態好之外，原來佢已經入十八球，係目前巴甲入球最多球隊，雖然今仗有借將伊保臣因合約屆滿重返波圖，但始終都係返主場出戰，以「一哥」狀態，依然有贏波本錢。
紐迪高遇強即死火
相反，目前以十四分排第六位紐迪高，上仗淨吞彭美拉斯兩蛋，結束四場不敗紀錄，相信會對士氣有一定打擊。講到底，紐迪高面對勁旅顯得顧忌，表現走樣，最明顯例子就係輸畀高士路同彭美拉斯兩仗，基本上都係毫無還擊之力下敗陣，今鋪面對巴甲打橫行法林明高，睇怕都係輸少當贏。
今周醒神推介
法林明高、利斯菲體育會 温馨小贴士：直接搜索“901”可以快速找到本站，查看更多更准更新的足球分析推介。
|
