06/07/2008
文： 蘇豪

今日日職上演神奈川縣打�軕穑�川崎前鋒主場迎戰橫濱水手，水手慣以「高壓酸素」幫助球員回復體力，但近期被日本奧委會全面禁用，球隊即時愈踢愈沉，睇�粌烧吆糜嘘P係，結合大軍聯賽作客敗率逾七成，前鋒小讓平半抵玩，上盤有計！（周日下午6時開賽）
上年川崎前鋒球星我那霸和樹踢到，自行打「大蒜注射劑」，藉此恢復體力，惹來禁藥疑雲，搞出軒然大波。事件鬧上國際足球法庭搞足大半年，最終我那霸「無罪釋放」，但已引來日本足總關注。北京奧運將至，日本奧委會嚴打禁藥，為免再生事端，決定連「高壓酸素」都唔畀用。

水手冇得補腳軟

日本向來有好多Product畀人補充體力，行過便利店實見到一包二包體力回復藥丸，近年當地球圈興用「高壓酸素」幫球員「叉電」，水手守將中澤佑二靠晒呢招撐住，聽講一周會用兩次，隊中唔少球員跟風用埋一份，不過，如今靈丹頓變禁藥，難怪近排一眾將士手軟腳軟，落到場冇晒料到。
再者，水手今季作客成績極曳，聯賽客場七戰一勝一和五負，落敗率高達七成一，演出完全唔對辦。
日職前周重開，水手主場○比一不敵磐田山葉，上周中再於日聯盃以相同比數負於大阪飛腳，狀態甚曳！

前鋒踢少場抖得夠

前鋒上周同樣輸波，但踢少場日聯盃抖到夠，重返主場鬥水手，讓平半合理，上盤夠穩！