09/07/2008
文： 朱楓
上周末朱楓扑中FC首爾上盤，今日繼續推介二線波畀大家，心水係日乙山形山神。事關山神係日乙「主場王」，得勝率超過七成，今日對住三連敗兼陣容不整櫻花，小讓平半梗係撐上盤啦！（開賽時間：周三晚6:00）
山形山神暫時緊隨廣島三箭之後排第二，全賴超強主場成績，開季至今僅曾一敗，近七場主場全勝，難怪暫時以七成三勝率成為日乙主場王。雖然呢支位於天童球隊有巴西前鋒利捷尼繼續養傷，另一射手豐田陽平又因入選U23備戰京奧缺陣，但查實佢今季已經有十四位球員入過波，進攻極之多元化，火力仍然值得信賴。
大阪櫻花三連敗
相反大阪櫻花就認真濕滯，聯賽三連敗不特止，更有多位主力打柴，包括有聯賽射入九球巴西中場謝文奴、古橋達彌、老將森島寬晃、後前田和哉同阪田卓裕，中場阿里同後羽田憲司仲要停賽，陣容天殘地缺，對住山神真係好難唔輸！