09/07/2008
文： 亨格比利
紐迪高今季巴甲表現遠超球迷期望，之不過呢間利斯菲市球會踢法有前冇後，最近聯賽兩連敗更加打窒道氣，聽朝撞正重返正軌聖保羅，即使有地利都唔慌惡得出樣，平手盤捧聖保羅可謂立於不敗之地！（開賽時間：周四早上8:45）
紐迪高連敗吞五蛋
有「紅白兵團」之稱紐迪高冇叻，最叻就係自己地頭恰人，雖然話今季巴甲主場保持不敗，但對手只係戈亞斯、保地花高等下游球會，暫時未受過真正考驗。況且最近連輸畀彭美拉斯同法林明高，足以反映實力見底，兩場敗仗吞夠五蛋亦證明後防有問題。
冕巴甲錦標聖保羅，自由盃八強出局後聯賽戰績有明顯改善，最近七仗更加未輸過。最抵讚係近九場聯賽只係失八球，防線硬淨到不得了。雖然借將阿祖安奴離隊對鋒力會有影響，不過波基斯、曉高等攻擊好手近期起晒Q，真係唔驚冇波入，作客晒三分唔出奇！