11/07/2008
文： 蘇豪
日職陷入大混戰，第三至尾三球隊相差不足十分。明日京都不死鳥作客東京綠茵，不死鳥作客連輸五場，睇績唔多開胃，但經過休戰期增兵後，演出已有進步，近仗贏唔到只係欠運，今場綠茵Ｗ太好分，明顯有晒啟示，要受讓平半不死鳥！（周六下午5時開賽）
不死鳥今季重上日職，季前落力招兵買馬，引入柳澤敦同佐藤勇人等前日本國腳，目標係保住頂級聯賽席位。打接近半季，會方見勢色唔對，休戰期間加碼增兵，向清水心跳借用巴西中場費蘭甸奴，同時引入大阪飛腳國腳級守將水本裕貴，兩個新兵極具分量，大軍陣容更見完整。
不死鳥近態有起色
現時不死鳥位列聯賽榜尾四，主要受作客成績曳拖累，大軍已經聯賽作客五連敗。
不過，日職小休重開後，球隊先後作客大阪飛腳同清水心跳等實力分子，輸波不足為據，尤其係作客心跳形勢處上風，射門數字係對手三倍，顯示佢絕非坐以待斃，今次遇上同級對手東京綠茵實全力搶分！
綠茵同樣係主強客弱，球隊已經聯賽錄得主場四連勝，對手包括名古屋鯨魚、橫濱水手同清水心跳等，賽績相當標青。不過，今場陣中巴西中場迪亞高蘇沙要坐波監，中前場組織力肯定大減，未必能延續強勢。現時主Ｗ有2.1倍，好分得滯，睇落唔多對路捧受讓不死鳥！