16/07/2008
文： 自由
歐國盃之後，筆者差唔多休息兩個星期，不過巴甲球員就冇得抖，由上星期開始，一連五個周中都要開快車，真係少體力都唔掂，如果作客曳開就更加死多兩錢，好似作客四連敗帕拉尼恩斯，聽朝出戰高士路睇怕都幾難全身而退，「讓球主勝」要捧場。（開賽時間：周四早上8:45）
帕拉富明作客腳軟
帕拉尼恩斯有幾唔掂？開季五場作客入得一球，近四次仲要輸晒兼食白果。高士路主場就惡過老虎，六戰五勝一和，淨係贏唔到上季盟主聖保羅，近六戰亦有四場入多過兩球，火力有保證，「讓球主勝」有2.6倍，一個字，筍！順帶一提，聽朝巴甲有七場波，6寶半全場咁就剔走呢場，可能足智彩都認同呢場波會比較正路。
想玩過關？同時間開賽彭美拉斯1.95倍主W係個唔錯選擇，對手富明尼斯雖然自由盃爭標失敗後已見復甦，聯賽更加兩連勝，但都係主場恰弱旅，參考性有限。事實上佢作客已經連輸六仗，早前亦證明冇能力應付頻密賽程，周中開快車仲要作客始終蝕底，近十次主場取得八勝二和彭美拉斯值得捧場。