亞冠精英盃「西亞區」賽事，艾薩德主場迎戰沙比阿爾阿里，卡塔爾球隊艾薩德今屆5戰仲未贏過，餘下最後3場，惟有豁出去一博，爭取出線資格。阿聯酋球隊沙比阿爾阿里狀態勇猛，亦無懼同對手鬥攻。睇番艾薩德各項賽事，近7場總入球全開4球或以上，一於再追中位數3.5球嘅入球大。（HOY TV 76周三凌晨零時直播）文:Mic少
艾薩德上月中聘請意大利名帥文仙尼執教，但成績並冇改善，近4場更加輸3場，唯一安慰係踢法充滿娛樂性，經常出現大比數賽果，當中近兩場賽事，分別於卡塔爾星盃大勝艾卡列迪耶夫5比0，以3比5不敵艾雷恩，名副其實有前冇後。好大程度上因為艾薩德中前場人腳比較強大，包括擁有前利物浦射手羅拔圖法明奴，文仙尼「因材施教」以攻為守。
加上艾薩德今屆亞冠精英盃5戰只有2和3負，落後第8位伊蒂哈德4分，為取得前8位出線16強資格，已經冇得選擇，惟有焗攻，難免會令防線變得更空虛，有利製造大手交易。
沙比阿爾阿里無懼鬥攻
至於沙比阿爾阿里排第5位，今場贏波就可以提早出線，戰意有保證，加上狀態不俗，近4場比賽贏3場，包括上輪亞冠擊敗另一支卡塔爾球隊艾加拉法，有助增強今仗爭勝信心，3.5球嘅入球大追得過。
