新一季沙特阿拉伯職業聯賽今晚開鑼，吉達艾阿里將於主場迎戰尼奧姆SC，新鮮出爐嘅沙超盃冠軍吉達艾阿里士氣高昂，當然要食住個勢搶攻，力爭打響聯賽頭炮。新升班球隊尼奧姆SC簽入前阿仙奴射手拿卡錫迪，實力亦唔嘢小，隨時同對手駁火，中位數3.5球嘅入球大值博。（周五凌晨2時開賽）文:Mic少
吉達艾阿里今夏有巴西老將羅拔圖法明奴離隊，但亦簽入當打嘅史特加中場安素米洛特，加上原有英格蘭射手艾雲東尼、巴西前鋒加連奴、翼鋒馬列斯、中場基斯爾等球星，進攻陣容鼎盛。吉達艾阿里早前訪港出戰沙超盃，已展現強大攻力，包括4強以5比1大勝艾卡迪沙，決賽遇上有C朗助陣嘅艾納斯，即使兩度落後，都可以逼和2比2，並憑互射12碼勝出捧盃，表現韌力十足。
吉達艾阿里今仗對住聯賽新丁尼奧姆SC，應會更放贍主攻，但要留意主隊防線唔多穩陣，經常有失波，導致近8場聯賽主場有7次總入球開4球或以上，入球大比主勝更抵玩。
尼奧姆SC有拿卡錫迪助拳
至於尼奧姆SC以上季沙甲冠軍身份升上沙職，會方立即進行「豪裝」，包括聘請前巴黎聖日耳門教練加迪亞領軍，並簽入曾效力阿仙奴、里昂嘅法國前鋒拿卡錫迪，隨時可以帶來驚起，尤其是升班後第一擊，士氣必然高昂，希望做齣好戲壯聲威，就算贏唔到，最起碼都要入波，有利開大。
