首回合作客馬體會先求穩
歐聯4強首回合激戰，馬德里體育會主場迎戰阿仙奴，兩隊都以首度染指冠軍為目標，準決賽面前會步步為營。阿仙奴今季歐聯戰績彪炳，好大程度建立於極高效率嘅防守體系，今場作客一心求穩，近況麻麻嘅馬體會未必咬得入，博2.5球入球細係明智之選。（Now 643周四凌晨3時直播）文:工廠仔
阿仙奴要喺英超同歐聯雙線作戰，近期備受壓力，不過上場1比0贏紐卡素，表現已見起色，尤其防守重現季初銅牆鐵壁風采。
淘汰賽4戰僅失1粒
「兵工廠」連續2屆歐聯能夠殺入4強，最大賣點就係防守穩固，今屆12場賽事拎到10勝2和，當中有8場保持不失球，威廉沙列巴、加比爾馬加希斯同門將拉耶嘅鐵三角，固若金湯。
阿仙奴今季最為人詬病係火力偏弱，但佢哋能夠有效地做到以守代攻，喺16強同8強嘅4場賽事入面，「兵工廠」只係失過1球，4場總入球全開2球或以下。今場作客馬體會，肯定會以「保不敗」為首要任務，希望能夠全身而退，留番啲力喺次回合返主場再決勝負。
馬德里體育會近況認真麻麻，近8場賽事輸咗6場，中場柏保路巴里奧斯賽前受傷提早收咧，就算球隊踢法擅長進攻，都未必夠膽再玩有前冇後嘅冒險踢法，尤其馬體會喺聯賽階段，曾經作客吞阿仙奴4蛋。教練施蒙尼經驗豐富，4強大戰會穩中求勝，今場開2.5球入球細機會高。
