皇馬要贏唔“辛”苦

2014-01-09 05:30:03 来源:网络

皇馬要贏唔“辛”苦


打完兩晚英格蘭聯賽盃後,今晚輪到西班牙盃十六強首回合,聯賽做緊“小三”嘅皇家馬德里主場迎戰下游球隊奧沙辛拿。要重奪聯賽錦標,皇馬暫時處於下風,機會只係五十五十,所以“安帥”絕不會放棄任何盃賽。今仗對住實力次一班嘅奧沙辛拿,只要認真作戰,先拔頭籌冇走雞。

奧沙辛拿排聯賽榜第十五位,仍要為護級而戰,西班牙盃唯有盡力而為,望過得一關得一關。鬼叫唔好彩十六強遇上皇馬,近七次到訪貝拿堡球場輸足七次,今場想偷雞都難。捧皇馬原因,係前線攻力的確有保證,由巴利、賓森馬及C朗組成BBC組合,實在攻無不克。就算“安帥”派上個别副選上陣,依然夠殺有餘。初盤皇家馬德里讓兩球半/三球,博皇馬至少可執半個盤。

睇過唔少奧沙辛拿比賽,呢班波整體踢法其實唔差,組織配合亦算有紋有路。不過礙於球員平均質素有限,兼且有頭威冇尾陣,每當體能下降,表現完全走樣,成為輸波最大致命傷。今仗更對住勁量級皇馬,所花體力肯定加倍,好大可能早早失手而招致大敗。

推介:皇家馬德里3:0