華拉度列博和“格”

2014-01-10 14:53:55 来源:网络

隔離埠又傳出打假波事件,仲係一支老牌球會,其中牽涉人數亦唔少,有助教及職球員等。今次事件都算係大規模。

記得對上一屆東亞運,隔籬埠以東道主身份,勇奪足球項目金牌。當年氣盛一時,連當時在任特首都表明,一定要將當地足球大搞。如果冇記錯,好似仲有個所謂“鳳凰計劃”。事隔數年後,當地波總都算係費盡心力,積極籌辦,據聞下季開始,將轉為港職聯賽。可惜未打響個鑼,就唔見咗個鼓,又整單球圈醜聞。

冇辦法,足球係人為,踢得好唔好,應該乜嘢都控制唔到,除咗錢。

講返今日場西甲推介,格蘭納達對華拉度列,呢兩班波碰頭可以話海軍鬥水兵,雙方實力在西甲嚟講,只屬於下游分子,一開季就以護級為目標。格蘭納達目前排第十三位,距離降班線球隊只有四分之差,依然要掙扎求存。不過,球隊爭勝本錢唔多,前線數糊能力有限,十八場聯賽只攻入十五球,火力極疲弱。今季主場只係兩勝七負,對爭勝毫無信心。

華拉度列排尾四,搏命程度唔需多講,戰力與格蘭納達相差無幾。初盤格蘭納達讓半球,捧硬華拉度列可跨“蘭”。

推介:和波1:1