曼城作客冇“素”圍

2014-01-12 08:09:51 来源:网络

曼城作客冇“素”圍


英超榜首前三位置爭持激烈,偶一不慎失分,隨時大執位。守住第二位嘅曼城今晚“北上”作客紐卡素,絕對係一場極大考驗。事關呢支神經刀球隊頻頻踢出佳作,主場更加唔可以睇少。況且經過三連敗之後,紐記係時候振作,誓要在曼城身上全取三分。

曼城嘅主場威力勁到爆大家都知,但踢作客又係另一回事。上周足總盃作客實力次兩班嘅布力般,只能被對手逼和,聯賽十場作客,勝率不足一半兼輸足四場,球員發揮顯然信心不足。另外,今仗係曼城踏入新一年,頭尾十二日已經係第四場比賽,今早仲要北上,舟車勞頓,體能亦受到一定影響。相對唞足一個星期嘅紐卡素,以逸待勞肯定有利。初盤曼城讓半球/一球,當然揀主隊紐卡素可以收“城”正果。

紐記今季代表作有贏過車路士、熱刺及曼聯,亦和過利物浦。至於首循環作客曼城慘吞四蛋無話可說,試問有邊隊波可以逃得出“魔鬼”球場?今仗返到自己地頭,一於展開復仇大計。

上場聯賽盃大殺韋斯咸,曼城士氣極盛。祇不過賽事實在太頻密,下周中又要打足總盃重賽,如何調兵遣將,的確考起“柏爺”。

推介:紐卡素2:1