維拉要升“仙”

2014-01-13 07:34:40 来源:网络

維拉要升“仙”


英超今晚獨腳戲由維拉對阿仙奴,查一查往績都幾有趣。多唔講,講兩隊近二十場對賽,維拉只贏過三場、和五場、輸十二場。咁又正常嘅,計實力,阿仙奴一直都比維拉強,但有趣在維拉從未在主場贏過阿仙奴,三場勝仗都係作客贏波,包括今季揭幕戰三比一反勝對手。到底今晚主場,維拉又可否打破宿命,一季內可以雙殺對手?

阿仙奴一開季就被維拉落筆打三更,反而激勵士氣,至少打完半季後守住榜首位置。要繼續保持爭標優勢,今仗再戰維拉絕對不容再失,最緊要球員心理素質。始終維拉屬於一支相當爛打球隊,阿仙奴要攞足三分相信有一定困難。初盤阿仙奴硬讓一球,幾大捧維拉。

維拉二十戰過後有廿三分,只多降班線球隊五分,正式嚟講仍受到降班威脅。經過上季教訓後,維拉當然希望早早上岸,根本唔會放鬆任何一場比賽。既然作客可以爆“廠”,主場更加輸唔晒。

阿仙奴要搶返個“一哥”位,就要非勝不可,但要與維拉鬥搶鬥體力化亦未必佔到優勢,因為維拉個個都廿四、五歲,年青當打,阿仙奴必陷於苦戰。推介:和波1:1