巴塞繼續有“泰”

2014-01-16 08:20:19 来源:网络

巴塞繼續有“泰”


巴塞羅那在西班牙盃十六強首回合已領先對手加泰四球,如無意外入硬八強。除非今晚作客踢到一無是處,成條防線又食晒安眠藥,畀主隊大炒五球。不過,相信呢個可能性唔大,以巴塞強大實力,炒多場對手都還可以。

加泰今場波只屬例行公事,因為清楚翻盤過關機會實在太渺茫,只希望在自己地頭踢場好波,對入場“粉絲”有所交代。初盤巴塞羅那讓球半/兩球,近五次對賽,巴塞全勝之餘兼每場最少攻入三球或以上,似乎食硬冇甩拖,一於再捧巴塞贏波贏盤。

加泰目前在聯賽排十一位,本來降班威脅唔算太大。但近期表現每下愈況,已經四連敗,上仗主場更不敵在榜尾掙扎的華歷簡奴。加泰都要集中於聯賽再度搶分,今仗勝負重要性唔大。

美斯復出後,巴塞陣容更加完整,由於揸住四球在手,預料今仗會輪換主力上陣。以球隊強大班底,邊個正選、副選實力依然在加泰之上,只要積極保持比賽鬥心,至少贏兩球或以上,根本問題不大。

推介:巴塞羅那3:0