“蝙蝠”作客冇作為

2014-01-17 08:14:20 来源:网络

“蝙蝠”作客冇作為


西甲今晚有場單挑,由馬拉加對華倫西亞。兩隊可算是難兄難弟兼同病相憐,都因為球會財政問題,導致人腳流失,成績因而大下滑。聯賽已經進入次循環,但兩隊依然受到降班威脅。為要自保,今戰唔係你死,就係我返唔到屋企。雙方必會施展渾身解數,以搶分為首要目標。

馬拉加暫時距離降班線球隊只有四分之差,危險已逼到埋身,爭勝慾望及鬥心自然較強。球隊今季的確有唔少主力離隊,特别係伊斯高、祖昆、迪米捷利斯及杜拿蘭等,戰鬥力至少冇咗五成。不過,爛船都有三斤釘,安祖拿利、韋列頓、杜高域、辛達告魯斯及今季加盟嘅迪素尼等,都係踢得之人,整體實力並非想像中差到要在護級區掙扎求存。而且球隊進攻與防守亦有一定章法,與華倫西亞唔會有太大差距,今仗佔有主場之利,屬於一場五五波。

“蝙蝠軍”同樣淪落為二、三線球隊,雖然目前排第八,實質只係多馬拉加三分,仍未坐定粒六保住甲組位。由於作客戰績比較差,今戰對“蝙蝠軍”期望唔大。初盤平手,必捧馬拉加坐和望贏。

推介:馬拉加2:1