“槍手”難大“富”大貴

2014-01-18 07:04:08 来源:网络

“槍手”難大“富”大貴


英超今個星期又再開火,“一哥”阿仙奴佈陣酋長球場,迎戰同市的富咸,要繼續保住榜首位置,呢三分非取不可。以近期狀態走勢,勝算的確比較高。不過,富咸目前正處於降班邊緣,要全力搏殺搶分,必定與“槍手”力拼到底,兵工廠要贏得輕鬆絕不容易,預料會遭到頑強反抗,初盤阿仙奴讓球半 / 兩球,隨時贏波輸盤。

兵工廠目前勢頭唔錯,連埋足總盃已取得五連勝,最主要是球員狀態穩定,奧斯爾、韋舒亞及基奧特等都踢出應有水準,唯一可惜華確特要休息一段時間,幸好艾朗藍斯可復出,令球隊仍有足夠兵力。只要中前場繼續發揮銳利攻勢,對住實力一般嘅富咸,相信會有一定優勢。

榜尾形勢相當混亂,至少有八、九支球隊要爭分奪位,只多降班線球隊一分嘅富咸亦身受其害,急需搶分脫離危險。本身人腳班底其實唔算太差,唔少都係星級名氣球員,為加強戰力,再借得丹普西回歸,希望大步檻過保住英超位,所以今仗對阿仙奴,應可頂得兩咀。

推介:阿仙奴2:1