羅馬復仇祭“祖”

2014-01-21 07:14:42 来源:网络

羅馬復仇祭“祖”


周中又係盃賽時間,今晚最有睇頭係意大利盃八強,榜首雙雄羅馬激鬥祖雲達斯爭入四強。聯賽羅馬作客慘吞祖記三蛋,爭標形勢變得被動,唯有在意大利盃展開復仇大計。以主場發揮極佳的表現,今仗爭勝決心毋庸置疑,必定全力撲擊對手。

祖記在聯賽一枝獨秀,遙遙領先次席羅馬八分,衛冕冠軍非常樂觀,跟住目標再指其他盃賽。不過作客“紅狼”並非易打,近兩次去到奧林比高球場只係一和一負,今仗毫無優勢可言。初盤祖雲達斯仲要讓平手/半球,幾大都揀羅馬可以報回聯賽一敗之仇。

羅馬今季不敗身就係被祖記打破,所以仇人見面分外眼紅。幸好,輸波之後跟住三場比賽取得連勝,士氣並未受到太大打擊。今仗更有備而戰,上仗對利禾奴有托迪、邁干、謝雲奴及比真歷等主力輪換上陣,擺到明今晚全力搏殺,主場戰績九勝兩和不敗,攻入廿七球只失兩球,更係信心保證。

月初兩隊在聯賽碰頭,全場火藥味十足,出現五黃兩紅,祖記贏在領先兩球兼打多兩人,令羅馬返魂乏術。但今戰係羅馬地頭,預料戰情將會大逆轉。推介:羅馬2:1