拜仁作客難搏大“慕”

2014-01-24 07:47:34 来源:网络

拜仁作客難搏大“慕”


好耐都冇介紹德甲比賽,撞啱今晚歇冬後重開,兼有王者拜仁慕尼黑擔正,與聯賽榜排第三嘅慕遜加柏合演獨腳戲,絕對有一定睇頭。

計雙方實力、對賽往績及人腳級數,慕遜加柏當然較遜色,但足球比賽最緊要講臨場發揮、爭勝鬥心及戰意。主場出擊嘅慕遜加柏呢方面一定比拜仁較強,話晒今季主場八勝一和,以不敗氣勢迎敵,未必輸得晒。

拜仁呢兩季在德甲的確超班,勁敵嘅多蒙特今季已經唔放在眼內,暫時又領先第二位嘅利華古遜七分,真係大把本錢在手,拼搏程度未必夠慕遜加柏咁強烈。值得一提,拜仁唔單止榜首排第一,計輸盤最多一隊亦係排第一,十六場聯賽有十一場輸盤。所以初盤開出拜仁要讓過一球以上,幾大都揀慕遜加柏主場夠澎“拜”。

估計慕遜加柏由開季至今,並未諗過爭標呢回事,但打到目前能夠排前三,當然希望可以保住踢歐冠席位,今場波博得一分得一分。拜仁目前陣容欠缺完整,洛賓、舒雲史迪加、拿姆、馬天尼斯及雲拜頓五大主力有傷在身,實力有所削弱,贏波有困難。

推介:和波2:2