曼城屈得就“屈”

2014-01-25 07:08:29 来源:网络

曼城屈得就“屈”


曼城今期賽波真係踢到腳仔軟,計一計頭搭尾唔夠三十日,今晚已經係第十場比賽。冇辦法,有機會向四冠王目標進發,辛苦少少有乜所謂。況且呢班波越踢越精神兼越戰越勇,今晚足總盃對手只係低一班嘅英冠球隊屈福特,仲喺自己個超級無敵主場出擊,真係要幾多有幾多。

屈福特在英冠只排中下游位置,唔好話爭標,要爭升班都有一定困難。至於今場足總盃已預輸嚟打,應該毫無壓力,希望輸少當贏,好好睇睇行出曼城呢個恐怖嘅“墳”場。初盤曼城硬讓兩球半,吓!會唔會讓少咗?除非班球員突然死火,否則肯定打到班阿“福”落花流水。

曼城雖然踢得密,但勝在班底夠雄厚,上場聯賽盃對韋斯咸練波咁練,作客輕輕鬆鬆數三粒。就算今仗繼續以部分副選上陣,依然夠殺有突,贏波贏盤冇問題。

屈福特季初被譽為升上英超熱門之一,可惜雷聲大雨點小。搵咗意大利名將蘇拿做教頭,亦簽入烏甸尼斯雙星安祖爾拉與費比連尼,惟其他位置欠缺平均及質素所限,蘇拿亦“劈炮”唔撈。英冠都未踢掂,點同英超豪門曼城一較高下?

推介:曼城5:0