“雙藍會”和氣生財

2014-02-03 09:49:11 来源:网络

“雙藍會”和氣生財


英超兩大爭標熱門,曼城與車路士今晚上演“藍”色生死“鍊”,首循環“藍戰士”主場鍊贏“藍月亮”,今仗輪到曼城做東,必會全力以赴,強陣出擊招呼客軍。十一戰全勝,攻入四十二球只失八球,曼城嘅超級無敵主場簡直勁到爆,打到一眾強隊都要俯首稱臣,而近四次主場對住車仔亦全勝,唔通“車仔”今戰實在難保不敗而回?

“老摩”深思熟慮嘅部署真係唔到你唔服,尤其打強隊,好明顯“主攻客守”,而且相當奏效,曼城要報回一敗之仇未必容易,初盤曼城讓半球,不妨考慮防守力十足嘅車路士,可以“曼”事如意。

曼城上場作客對熱刺估唔到可以踢得咁順,呢方面的確係士氣與強勢有關,不過,再一次強調曼城真係踢得太密,球員受傷機會亦相繼提高,目前已經有阿古路、拿斯里、加西亞及占士米拿四名主力因傷避戰,“柏帥”今晚鬥“車”,鬥智又鬥力,要保持主場全勝確有一定難度。

“老摩”一向則重防守踢法,中後場擺放人腳以體力與硬朗球員為主,位置上部署同樣以嚴密見稱。曼城火力非常驚人,今仗對住銅牆鐵壁嘅車路士,確係一大考驗。

推介:和波1:1