慕遜“利”字當頭

2014-02-07 12:38:32 来源:网络

慕遜“利”字當頭


逢星期五半夜三更又係德甲時間,今晚戲碼唔錯,由兩支前列分子慕遜加柏對戰利華古遜。雙方都要為爭下季歐冠席位而努力,肯定各不相讓,尤其慕遜加柏,暫時少第四位史浩克一分而做緊梗頸五,趁住今仗自己地頭出擊,爭勝決心更强,的確值得捧場。

如果計兩隊實力,利華古遜可能稍為平均些少,但近期狀態一般,而且作客戰力麻麻,對住主場極惡嘅慕遜加柏,實在唔多睇好。初盤開出只係平手,當然揀主場踢出加一波嘅慕遜加柏,贏波冇斷“古”。慕遜加柏十場聯賽主場贏足八場和一場,只輸過畀王者拜仁,主場發揮確實唔簡單,最重要係贏盤率高達七成,係德甲各隊之中,主場贏盤最多的一隊。由於歇冬後兩戰兩敗,球隊都要積極求勝,望能一洗頹風。

守住第二嘅利華古遜今季整體發揮都算相當平穩,不過踢作客始終欠缺強勢,近兩場作客更輸畀雲達不萊梅及費雷堡兩支下游球隊,球員明顯信心不足。中場主力悉尼森及前鋒古路斯繼續因傷缺陣,中前場入球能力減弱,贏波本錢不足情況下,必揀主隊“遜”得過。

推介:慕遜加柏1:0