曼城撻着半場大起薩克達

2018-11-07 11:46:37 来源:互联网

周四凌晨歐聯F組焦點大戰,曼城繼續坐鎮霸氣主場迎戰薩克達。「藍月亮」上場聯賽以6比1狂炒修咸頓,歐聯都以3比0輕取薩克達,盡顯霸氣,對手冇啲底蘊都好難頂得住佢哋攻勢,曼城快攻戰術咁掂,呢場一於捧中位數1.5球半場大。

(Now 644、有線603及604台周四凌晨4時直播)

踢歐聯慣快刀斬亂麻
曼城暫時以6分排歐聯F組首名,不過由於首戰爆冷失利以1比2輸畀里昂,所以曼城出線形勢依然未算明朗,今場仍然要搏盡搶分。好彩「藍月亮」經歷季初慢熱階段後,近排已經揾番最佳狀態,上仗6比1贏修咸頓一役,半場已領先4比1,其中大衞施華狀態大勇,加上強援馬列斯已經融入陣中,火力極為強大。

相反,薩克達今屆歐聯表現失準,分組賽3戰合共失咗7球,上屆兩位中場大將班納特安尼斯奧同費特洛迪古斯離隊轉投英超之後,薩克達嘅整體發揮明顯大幅下降。況且,曼城踢歐聯賽事不嬲比較進取,近8場歐聯有7場半場開2球或以上,呢場睇好曼城快刀斬亂麻,吼實中位數1.5球半場大絕對有着數。

赢家联盟