PSG超班明恰聖伊天

2019-02-17 11:42:34 来源:互联网

今晚有5場法甲上演,重頭戲兼壓軸大戰由聖伊天主場迎戰巴黎聖日耳門(PSG)。PSG喺法甲實力大超班,就算續缺尼馬及卡雲尼亦影響不大,加上計晒聯賽及盃賽,佢哋近14次對聖伊天攞到12勝2和壓倒性優勢,作客讓一球坐和望贏,上盤博得過。

(Now 639、有線615及655台周一凌晨4時直播)

雷恩作客腳軟益晒蘭斯
PSG上場歐聯16強作客曼聯,前線三叉戟嘅尼馬、卡雲尼皆因傷缺陣,但憑着派斯奴甘佩比及基利安麥巴比各一建功,加上迪馬利亞交出兩個助攻,順利以2出0勝出,一洗之前聯賽不敵里昂、以及法足盃法定時間被丙組仔維利法蘭悶和嘅頹風,同時證明就算沒有兩大射手,對PSG嘅攻守發揮影響不大。反觀聖伊天近5場僅1勝,而且先後以大比數輸畀迪安及雷恩,信心或者受影響。總計各項賽事在內,聖伊天近14次對PSG未贏過,當中輸咗12次,最近5次輸波都至少輸2球,整體實力同PSG有明顯距離,以聖伊天近期狀態難破宿命,PSG讓一球唔怕多。

至於另一場較早開波嘅蘭斯主場鬥雷恩。蘭斯歇冬後7場未輸過,包括打和里昂、尼斯及贏過馬賽,有真材實料。雷恩近4場雖然都有3勝1和,不過4場都係主場比賽,佢哋上周中喺歐霸盃32強跟貝迪斯激戰踢成3比3,嚟緊周中又要作客踢次回合,體力好輸蝕,平手盤必揀蘭斯。

(Now 639、有線615及655台周一凌晨零時直播)

赢家联盟