法蘭克福火併慕遜加柏

2019-02-17 11:43:24 来源:互联网

闊別一個禮拜又嚟料!適逢Kannas忙住搞「年年都係18歲生日大壽」,先喺度祝佢繼續明艷照人、青春常駐。今個禮拜東網直播嘅德甲賽事有法蘭克福對慕遜加柏,今晚十點半準時開波,趁Kannas唔喺度,蘇雞同奧斯卡梗係把握機會嚟番個Men`s Talk版嘅「球愛Live Party」,仲要邀請到以分析數據見稱,無論講足球定睇財經都駕輕就熟嘅李聲揚Ivan(Facebook專頁 – 華麗后台 網主)上到嚟我哋節目一齊睇波,實行「三個男人一個堆,圍埋一齊講數據」(聽聞Ivan仲係慕遜加柏球迷嚟喎)。

講番場波,法克蘭福最近真係「以和為貴」,連和4場,今次喺主場肯定力求打破悶局,力爭歐聯席位。慕遜加柏上輪主場對哈化柏林突然啞哂火輸咗0比3,往後要追近拜仁抑或要抵抗RB萊比錫嘅窮追猛打,呢場都肯定不容有失。

(on.cc東網周日晚10時30分直播)

Facebook專頁送德甲波仔
咁多嘢講!講得好又點會虧待你呢?我哋梗係繼續送禮啦,記住直播期間去「睇體 ontv sports」Facebook專頁嘅波經Post裏面留言傾偈,令我哋同導演都忍唔住畀個Like你嘅留言,就可以得到德甲專用波仔。我哋今晚直播見!

赢家联盟