皇馬陪你半場開飯

2019-02-17 11:44:13 来源:互联网

小將搶韁轟基羅納
皇馬陪你食晚飯!今晚西甲頭場咁啱係食晚飯時間,難得有「銀河艦隊」皇馬登場,喺主場迎戰沉到爆嘅基羅納。皇馬箭頭賓施馬雖有傷在身,但雲尼斯奧斯祖利亞、馬高阿辛斯奧等小將表現搶韁,遇上6連敗嘅基羅納,係呢班生牯仔表演嘅好時機,半場主勝有買趁早。

(Now 632周日晚7時直播)

皇馬近期順到冇朋友,上周作客馬體會出乎人意輕取3比1,一改近年聯賽遇同市死敵吃盡苦頭嘅慘況,之後喺周中歐聯16強首回合又贏阿積士2比1,近8仗豪取7勝1和,重拾佳態嘅箭頭賓施馬,更當選上月皇馬最佳球員。雖然呢位射手喺歐聯受傷,今仗上陣成疑,好彩雲尼斯奧斯祖利亞、馬高阿辛斯奧等生牯仔表現突出,前者有「新尼馬」之稱,經常喺左路搞搞震堅有威脅,佢喺各項賽事已交出8次助攻,而馬高阿辛斯奧上仗入替賓施馬即入波,非常餓波,連同加里夫巴利,火力全開。

基羅納慣由頭輸到尾
講到狀態最曳嘅西甲球隊,非基羅納莫屬,唔單止近6仗輸晒,自12月頭西盃擊敗艾拉維斯之後,連續13場未贏過,而且近5仗上半場就落後,由頭輸到尾曳爆,除咗前鋒史杜安尼受傷外,後衞貝拿度荷西亦要停賽,更加冇還手之力。相反,皇馬近5仗聯賽有4次喺上半場領先,今仗強勢出擊速食對手,半場主勝咪走寶。

赢家联盟