曼聯頂硬上捱細界

2019-04-21 10:38:34 来源:网络

同日英超仲有多場好戲上演,其中周日早場有愛華頓主場鬥曼聯。陣中猛將如雲嘅「拖肥」表現硬淨,尤其近排對親Big6强敵都特別有計,今場對住畀連場惡戰「Chur爆」嘅「紅魔」肯定唔會手軟,中位數2.5球入球細捧得過。

(Now 621周日晚8時30分直播)

英超中游分子愛華頓陣中除中場核心基菲爾施古臣之外,後衞葛特蘇馬同米克堅尼近期表現愈嚟愈穩健,後者仲因此畀英格蘭國家隊重召入隊,堪稱係愛華頓後防嘅定海神針。有佢哋鎮守後防,「拖肥」近6場聯賽5次開2球或以下,其中對住利物浦、車路士同阿仙奴都保持不敗,可見佢哋絕對有力同强隊周旋。況且紅魔啱啱喺歐聯8強遭巴塞淘汰,嚟緊仲要惡戰同市死敵曼城,今場未必能全力應戰,捧番中位數2.5球入球細好過。

阿仙奴水晶宮博大盤
至於阿仙奴就會主場同水晶宮合演倫敦打吡;阿仙奴主場出擊向來醒過作客,已經累積18個入球嘅射手奧巴美揚,其中佢有11球喺酋長球場射入,不過中堅柏柏斯達夫普路斯繼續坐波監,令兵工廠防線埋下隱憂。作客表現弗開嘅水晶宮,近8場聯賽作客僅輸2場,而且近4次聯賽同阿仙奴交手都開3球或以上,今場隨時再同槍手駁火,中位數2.5球入球大值博。

(Now 622周日晚上11時直播)